危害狗狗健康之五大化學成分!

狗狗嘅皮膚其實如同人類小朋友一樣柔緻脆弱,但狗狗皮膚嘅代謝週期比人類快,而表皮層厚度比人類少3倍,所以狗狗嘅皮膚係比人類更需要用天然產品。好多狗主都無留意市面上有好多狗狗沖涼液原來都加入左大量化學成分,用完唔單止對狗狗無幫助,仲會損害狗狗嘅皮膚,甚至影響健康!一齊睇下有邊幾種化學成分係嚴重危害狗狗健康~

1. 十二烷基硫酸鈉 (SLS)、十二烷基聚氧乙醚硫酸鈉 (SLES)、硫酸單十二烷基酯銨鹽 (ALS)

呢種成分俗稱起泡劑,大部分沖涼液都有加入。起泡劑其實一開始係用於工業清潔用途,但因為成本便宜所以先用左黎做人類同寵物既清潔用品。起泡劑唔單止會刺激皮膚,仲會致癌!

2. 酒精, 異丙醇 (Alcohol, Isopropyl [SD-40])

有無發現狗狗沖完涼皮膚太乾或者好快又變返油笠笠?如果沖涼液含有酒精、異丙醇,會令皮膚變得乾燥,洗走皮膚最外既保護層同埋油脂,好易受到細菌、真菌、霉菌或者有害物質感染,引發牛皮癬或盤狀濕疹等既皮膚病!


3. 二乙醇胺 (DEA),乙醇胺 (MEA),三乙醇胺 (TEA) [能形成有害的亞硝胺**一種致癌物]

呢種成分即係增稠劑、發泡劑或者合成穩定劑,主要功能係用黎調整 pH值,呢種成分容易引起過敏反應,有機會令眼睛刺痛、毛髮變得乾燥同埋皮膚敏感。

4. 合成香料 (Synthetic Fragrances)

95%以上既合成香料都係石油化學物質,大部分香料都含有對羥基苯甲酸鹽、鄰苯二甲酸酯同埋合成麝香等等,呢d物質會長期留係體內破壞荷爾蒙同埋雌激素,引發癌症!其實狗狗本身就接受唔到太重香味,因為狗狗既嗅覺比人類敏銳百萬倍,香味會令佢地好刺鼻好辛苦,所以狗狗產品嘅香味只可以淡香,甚至無味。

5. 三亞螨 (Amitraz)、百滅寧 (Permethrin)、苯氰菊酯 (Cyphenothrin)

好多商家諗住加入呢D有害物質可以幫狗狗驅跳蚤同埋蜱蟲,但其實係嚴重破壞皮膚、腸胃同埋神經系統,症狀包括痕癢、毛髮脫落、皮膚潰瘍、嘔吐、腹瀉等,仲有可能會導致死亡!

係咪估唔到一支咁普通既狗狗沖涼液可以含有咁多有害成份?愛錫狗狗就要識揀天然無害嘅產品,用適合嘅沖涼液唔單止令狗狗舒服健康,仲可以解決埋主人一直對狗狗皮膚問題嘅煩惱~一支純天然既狗狗沖涼液裡面嘅成份係應該要安心到連主人自用都無問題! 


SHOO 一直堅持用天然既原材料去改善狗狗嘅健康同解決皮膚問題,為狗狗度身訂造一系列天然沖涼液呵護皮膚。四款味道無味、桉樹味、雪松木味及野生橙味,採用不同植物精油,可以舒緩各種問題皮膚,如痕癢、脫毛或跳蝨等等,沖涼液pH Level 大概 6.5,同狗狗皮膚 pH level 相近,味道清香唔會刺激狗狗嗅覺!用後可以保持幾日清爽無體味,狗狗皮膚唔會乾,亦都唔會笠,經常洗澡也不會洗走皮膚本身嘅油脂,咁狗狗就唔會容易有常見皮膚病!

➡️  購買SHOO產品

Sale Items