2018年6月12日

特約分享──簡易運動裸妝

特約分享──簡易運動裸妝

自從中七暑假被啟蒙要畫眼線同搽BB Cream，基本上以後的日子我都甚少以素顏示人。不是素顏唔見得人，而是覺得化了妝會精神點，省卻大家say hi後總要加句「你好攰喎」的煩惱。

做運動算係最搞唔掂，通常是要素顏的一刻。我本身是大汗之人，即是夏天由屋企行去巴士站10分鐘都可以流汗流到好似游完水咁。所以以前落街跑步鮮有化妝，溶妝事少，黐黐立立影響心情，以及化妝品塞住毛孔令皮膚變差事大。

近日收到éPure的「完美素肌防曬精華」（Nude Perfecting Essence），便小試了大汗如我能否化裸妝運動而不失霸。據產品說明稱，這隻精華採用了最新納米技術，質地輕盈柔滑易被皮膚吸收，不但可當「素顏霜」用，極速修復膚色暗啞，還真的有精華護膚元素，可以減少黑色素及細紋形成，亦高度保濕，透過高濃度保濕因子激活細胞再生，讓肌膚水潤飽滿。最重要防水！並具防曬SPF30保護，做戶外運動亦不怕紫外線，唔怕曬黑！

試用時間～擠出來發現「éPure完美素肌防曬精華」質地比較水潤，不像BB cream那般「杰」。雖然顏色像粉底液，但用化妝掃在面上推開後好快就被肌膚吸收，不會看似有厚厚一層粉。感覺上「éPure完美素肌防曬精華」予人的那種美白，不是粉底顏色變白那種，而是精華素被肌膚吸收，讓肌膚飽滿，由內到外提亮膚色，不會「白得好假」。

我化的運動裸妝是這樣：由於我的皮膚較乾，不想因為皮膚乾極速扯水而要用太多精華，便要先搽保濕霜。之後便上一層「éPure完美素肌防曬精華」。雖然精華防水兼控油，但如果想保證妝容清爽及持久度，最好抹一層薄薄的碎粉定妝。近日整了霧眉，眉位變相有點深色，所以照畫了防水眼線，並塗了硃砂紅色唇膏。完妝以後感覺很好，不會太厚重，但已經做到了防曬、防水、提亮、美白、保濕等效果。

運動時間～做了30分鐘cardio＆strength，大汗淋漓，頭髮濕到黐埋粗粗一條條。不過臉部仍然不黏立，用毛巾印走汗珠後妝容仍然完整。運動過後塊面紅卜卜，還變成天然胭脂，妝容更自然！「éPure完美素肌防曬精華」亦有淡斑、抗痘、消炎，抗敏、抗皺等作用，可以一邊化妝一邊修護肌膚，一舉好多得。

左：運動前／右：運動後

éPure 護膚產品系列是由美國權威性醫學美容醫生 Dr. Yulong Moy 所研發，致力以純天然、溫和親膚、潔淨鎖水為主要目標，無添加任何刺激性成分，敏感肌膚、孕婦、哺乳期媽媽都能安心使用。亦因如此，使用「éPure完美素肌防曬精華」過後，甚至無需使用卸妝產品清洗。但如果要化個全妝，好似我咁又畫眼線又上碎粉，就一定要做好卸妝了。